isi surat hum apna raaz-e-dil shayad nihan kar len

isī sūrat ham apnā rāz-e-dil shāyad nihāñ kar leñ

zamāne bhar ko apne aap se ham bad-gumāñ kar leñ

fareb-e-ishq kā maarā huā gum-karda manzil huuñ

sharīk apnā kaheñ mujh ko na ahl-e-kārvāñ kar leñ

tamāsha hī agar maqsūd hai us husn-paikar kā

to apnā dil to is qābil zarā ahl-e-jahāñ kar leñ

haram kā shaiḳh ko aur barhaman ko dair kā da.avā

tumhārī kis jagah taḳhsīs ai jān-e-jahāñ kar leñ

agar ahl-e-haram chāheñ ḳhudā ko mehrbāñ karnā

to mai-ḳhāne meñ aakar bai.at-e-pīr-e-muġhāñ kar leñ

vahāñ pahuñchā.ūñ le jā kar jahāñ manzil hī manzil ho

jo ahl-e-kārvāñ mujh ko hī mīr-e-kārvāñ kar leñ

udhar mauj-e-tabassum aur idhar añgḌā.iyāñ un kī

batāo 'ārzū' ab sabr kā kaise gumāñ kar leñ

isi surat hum apna raaz-e-dil shayad nihan kar len

zamane bhar ko apne aap se hum bad-guman kar len

fareb-e-ishq ka mara hua gum-karda manzil hun

sharik apna kahen mujh ko na ahl-e-karwan kar len

tamasha hi agar maqsud hai us husn-paikar ka

to apna dil to is qabil zara ahl-e-jahan kar len

haram ka shaiKH ko aur barhaman ko dair ka dawa

tumhaari kis jagah taKHsis ai jaan-e-jahan kar len

agar ahl-e-haram chahen KHuda ko mehrban karna

to mai-KHane mein aakar baiat-e-pir-e-mughan kar len

wahan pahunchaun le ja kar jahan manzil hi manzil ho

jo ahl-e-karwan mujh ko hi mir-e-karwan kar len

udhar mauj-e-tabassum aur idhar angDaiyan un ki

batao 'arzu' ab sabr ka kaise guman kar len