itna ehsas to de palne wale mujhko

itnā ehsās to de pālne vaale mujh ko

maiñ sambhal jā.ūñ agar koī sambhāle mujh ko

be-sahārā huuñ kisī vaqt bhī gir jā.ūñgā

apnī dīvār meñ jo chāhe milā le mujh ko

Dūbne se jo bachā.egā vo kyā pā.egā

maiñ abhī laash nahīñ kaun nikāle mujh ko

maiñ payambar to nahīñ thā ki amaañ pā jaatā

kyā chhupāte bhī kahīñ makḌī ke jaale mujh ko

maiñ bhī raushan huuñ magar sub.h ke taare kī tarah

chand lamhoñ meñ Dubo deñge ujāle mujh ko

kyā zarūrī hai ki dushman hī ke sar jaa.e azaab

kar deñ ahbāb hī qātil ke havāle mujh ko

tujh se hālāt ke patthar na sahe jā.eñge

apne ehsās kā ā.īna banā le mujh ko

itna ehsas to de palne wale mujh ko

main sambhal jaun agar koi sambhaale mujh ko

be-sahaara hun kisi waqt bhi gir jaunga

apni diwar mein jo chahe mila le mujh ko

Dubne se jo bachaega wo kya paega

main abhi lash nahin kaun nikale mujh ko

main payambar to nahin tha ki aman pa jata

kya chhupate bhi kahin makDi ke jale mujh ko

main bhi raushan hun magar subh ke tare ki tarah

chand lamhon mein Dubo denge ujale mujh ko

kya zaruri hai ki dushman hi ke sar jae azab

kar den ahbab hi qatil ke hawale mujh ko

tujh se haalat ke patthar na sahe jaenge

apne ehsas ka aaina bana le mujh ko