itna hum ghabra gae KHud se
itnā ham ghabrā ga.e ḳhud se
bhāge to Takrā ga.e ḳhud se
maut to saada hī rakkhī thī
rone vaale aa ga.e ḳhud se
apnā saath to aur kaThin thā
do din meñ uktā ga.e ḳhud se
tum duniyā se yaarī rakhnā
ham to kaam chalā ga.e ḳhud se
apne liye ham ġhair hī rahte
aap hameñ milvā ga.e ḳhud se
itna hum ghabra gae KHud se
bhage to Takra gae KHud se
maut to sada hi rakkhi thi
rone wale aa gae KHud se
apna sath to aur kaThin tha
do din mein ukta gae KHud se
tum duniya se yari rakhna
hum to kaam chala gae KHud se
apne liye hum ghair hi rahte
aap hamein milwa gae KHud se
- Book : Dukh Naye Kapde Badal Kar (Pg. 58)
- Author : Shariq Kaifi
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
