aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

itne dukhi hain hum ko masarrat bhi gham bane

Saif Zulfi

itne dukhi hain hum ko masarrat bhi gham bane

Saif Zulfi

MORE BYSaif Zulfi

    itne dukhī haiñ ham ko masarrat bhī ġham bane

    amrit hamāre hoñT se mas ho to sam bane

    ro.e ba-rañg-e-abr farishte bhī gūñdh kar

    kis dasht-e-ashk-o-āh miTTī se ham bane

    kuchh aur bhī to shīsh-mahal rāste meñ the

    kyuuñ ham faqat nishāna-e-sañg-e-sitam bane

    āñkhoñ ke sāmne hai shikasta dar-e-sukūñ

    ham tak rahe haiñ der se tasvīr-e-ġham bane

    barse haiñ dasht-e-zīst meñ ham par vo sañg-o-ḳhisht

    yakjā simaT ke aa.eñ to koh-e-alam bane

    lahje ke bāñkpan meñ chhupāte haiñ dil soz

    ham aise rakh-rakhāo ke fankār kam bane

    jo dāstāñ miTā.ī ziyāda likhī ga.ī

    jitne hamāre haath tarāshe qalam bane

    'zulfī' vo sarzamīñ ki jahāñ dafn hai 'shakeb'

    vo kyuuñ na ahl-e-fan ke liye mohtaram bane

    itne dukhi hain hum ko masarrat bhi gham bane

    amrit hamare honT se mas ho to sam bane

    roe ba-rang-e-abr farishte bhi gundh kar

    kis dasht-e-ashk-o-ah ki miTTi se hum bane

    kuchh aur bhi to shish-mahal raste mein the

    kyun hum faqat nishana-e-sang-e-sitam bane

    aankhon ke samne hai shikasta dar-e-sukun

    hum tak rahe hain der se taswir-e-gham bane

    barse hain dasht-e-zist mein hum par wo sang-o-KHisht

    yakja simaT ke aaen to koh-e-alam bane

    lahje ke bankpan mein chhupate hain dil ka soz

    hum aise rakh-rakhao ke fankar kam bane

    jo dastan miTai ziyaada likhi gai

    jitne hamare hath tarashe qalam bane

    'zulfi' wo sarzamin ki jahan dafn hai 'shakeb'

    wo kyun na ahl-e-fan ke liye mohtaram bane

    Source:

    Funoon(Jadeed Ghazal Number: Volume-002) (Pg. 793)

      • Edition: 1969
      • Publisher: Ahmad Nadeem Qasmi
      • Year of Publication: 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now