itni jalwa-bariyan hain phir bhi pinhan kaun hai

itnī jalva-bāriyāñ haiñ phir bhī pinhāñ kaun hai

itnī parda-dāriyāñ haiñ phir numāyāñ kaun hai

kal faroġh-e-āftāb-o-māh-o-anjum kaun thā

ab charāġh-e-gosha-e-tārīk-e-zindāñ kaun hai

vo but-e-kāfir liye ḳhanjar ye kartā hai savāl

mere is daur-e-taraqqī meñ musalmāñ kaun hai

merī ik ik muskurāhaT meñ rahā gul-pāsh kaun

aaj mere āñsuoñ meñ shabnam-afshāñ kaun hai

dāna-e-sayyād ko Thukrā ke aa.e daam meñ

ham sā daanā kaun hogā ham sā nādāñ kaun hai

ḳhud qafas bhī jal uThā jis ke nafas kī aañch se

bulbulo ye nau-giraftār-e-ġhazal-ḳhvāñ kaun hai

itni jalwa-bariyan hain phir bhi pinhan kaun hai

itni parda-dariyan hain phir numayan kaun hai

kal farogh-e-aftab-o-mah-o-anjum kaun tha

ab charagh-e-gosha-e-tarik-e-zindan kaun hai

wo but-e-kafir liye KHanjar ye karta hai sawal

mere is daur-e-taraqqi mein musalman kaun hai

meri ek ek muskurahaT mein raha gul-pash kaun

aaj mere aansuon mein shabnam-afshan kaun hai

dana-e-sayyaad ko Thukra ke aae dam mein

hum sa dana kaun hoga hum sa nadan kaun hai

KHud qafas bhi jal uTha jis ke nafas ki aanch se

bulbulo ye nau-giraftar-e-ghazal-KHwan kaun hai