itni KHarab surat-e-haalat bhi nahin

itnī ḳharāb sūrat-e-hālāt bhī nahīñ

jo kah na pā.ūñ aisī koī baat bhī nahīñ

sūraj kā gaañv jis kī jatāoñ meñ thī asiir

ai shahr-e-be-charāġh ye vo raat bhī nahīñ

phir aaj uTh rahā hai dhuāñ dil ke ās-pās

tajdīd-e-ārzū-e-mulāqāt bhī nahīñ

Dartā huuñ apne saa.e se meñ ḳhud-gazīda huuñ

siine meñ koī shorish-e-zulmāt bhī nahīñ

'fārūq'-nāzukī ne khilā.e lahū ke phuul

dil par agarche us kī 'ināyāt bhī nahīñ

itni KHarab surat-e-haalat bhi nahin

jo kah na paun aisi koi baat bhi nahin

suraj ka ganw jis ki jataon mein thi asir

ai shahr-e-be-charagh ye wo raat bhi nahin

phir aaj uTh raha hai dhuan dil ke aas-pas

tajdid-e-arzu-e-mulaqat bhi nahin

Darta hun apne sae se mein KHud-gazida hun

sine mein koi shorish-e-zulmat bhi nahin

'faruq'-nazuki ne khilae lahu ke phul

dil par agarche us ki 'inayat bhi nahin