itni KHushiyan nahin milti hain tere aane par

itnī ḳhushiyāñ nahīñ miltī haiñ tire aane par

jitnā dukh hotā hai ai yaar tire jaane par

raat bhar āñkheñ mirī kartī haiñ ashkoñ se vuzū

kaun detā hai azaañ roz mire shāne par

is chaman-dān kī ġhairat pe baḌā zulm huā

titliyāñ rone lagīñ phuul bikhar jaane par

mujh se sab māñgte haiñ merī mohabbat kā subūt

tirī tasvīr lagā dī hai vuzū-ḳhāne par

lab-e-nāzuk se vo kar deñge du'ā kī ḳhairāt

laash rakh denā mirī yaar ke kāshāne par

tauq-o-zanjīr-o-salāsil se hameñ kyā Darnā

maut aa jā.egī jab vaqt ke aa jaane par

maqbara ḳhālī paḌā hai mirā murshid ke baġhair

ik sadī biit ga.ī ruuh ko dafnāne par

itni KHushiyan nahin milti hain tere aane par

jitna dukh hota hai ai yar tere jaane par

raat bhar aankhen meri karti hain ashkon se wuzu

kaun deta hai azan roz mere shane par

is chaman-dan ki ghairat pe baDa zulm hua

titliyan rone lagin phul bikhar jaane par

mujh se sab mangte hain meri mohabbat ka subut

teri taswir laga di hai wuzu-KHane par

lab-e-nazuk se wo kar denge du'a ki KHairaat

lash rakh dena meri yar ke kashane par

tauq-o-zanjir-o-salasil se hamein kya Darna

maut aa jaegi jab waqt ke aa jaane par

maqbara KHali paDa hai mera murshid ke baghair

ek sadi bit gai ruh ko dafnane par