jada-e-rasti hi kafi hai

jāda-e-rāstī hī kaafī hai

mujh ko ye raushnī hī kaafī hai

is jahāñ meñ guzārne ke liye

muḳhtasar zindagī hī kaafī hai

tujh ko farzāngī mubārak ho

mujh ko dīvāngī hī kaafī hai

kyā zarūrat hai dushmanoñ kī mujhe

aap kī dostī hī kaafī hai

kyā karūñgā maiñ sīm-o-zar le kar

daulat-e-be-ḳhudī hī kaafī hai

dil ke āñgan meñ raushnī ke liye

fikr kī tāzgī hī kaafī hai

is chaman meñ ḳhizāñ-nasīboñ ko

ik kalī adh-khilī hī kaafī hai

lashkar-e-ġham se jītne ke liye

chand-roza ḳhushī hī kaafī hai

aarzū ke nihāl ko 'shāhid'

āñsuoñ kī namī hī kaafī hai

jada-e-rasti hi kafi hai

mujh ko ye raushni hi kafi hai

is jahan mein guzarne ke liye

muKHtasar zindagi hi kafi hai

tujh ko farzangi mubarak ho

mujh ko diwangi hi kafi hai

kya zarurat hai dushmanon ki mujhe

aap ki dosti hi kafi hai

kya karunga main sim-o-zar le kar

daulat-e-be-KHudi hi kafi hai

dil ke aangan mein raushni ke liye

fikr ki tazgi hi kafi hai

is chaman mein KHizan-nasibon ko

ek kali adh-khili hi kafi hai

lashkar-e-gham se jitne ke liye

chand-roza KHushi hi kafi hai

aarzu ke nihaal ko 'shahid'

aansuon ki nami hi kafi hai