jaeza len hum agar kya hai hamari zindagi

jā.eza leñ ham agar kyā hai hamārī zindagī

ek hī unvān hogā ishtihārī zindagī

jab chalī koī havā uḌte ga.e ham duur tak

ḳhushk pattoñ kī tarah ham ne guzārī zindagī

chāñd ko bāñhoñ meñ bharne kī faqat hasrat liye

duur se dekhā kiye logoñ kī pyārī zindagī

kis qadar be-kār hai kaalā dhuāñ uḌtā huā

yuuñ samajh lo ham ne bhī yūñhī guzārī zindagī

ham rahe sahrā meñ jalte āsmāñ ke paas 'aks'

raakh kar lī hai jalā kar ham ne saarī zindagī

jaeza len hum agar kya hai hamari zindagi

ek hi unwan hoga ishtihaari zindagi

jab chali koi hawa uDte gae hum dur tak

KHushk patton ki tarah hum ne guzari zindagi

chand ko banhon mein bharne ki faqat hasrat liye

dur se dekha kiye logon ki pyari zindagi

kis qadar be-kar hai kala dhuan uDta hua

yun samajh lo hum ne bhi yunhi guzari zindagi

hum rahe sahra mein jalte aasman ke pas 'aks'

rakh kar li hai jala kar hum ne sari zindagi