jagte gham bhi nahin jhumte sae bhi nahin

Khurshid Ahmad Jami

jagte gham bhi nahin jhumte sae bhi nahin

Khurshid Ahmad Jami

MORE BYKhurshid Ahmad Jami

    jāgte ġham bhī nahīñ jhūmte saa.e bhī nahīñ

    saath apne bhī nahīñ aur parā.e bhī nahīñ

    sīna-e-sāz meñ vo giit sulag uTThe haiñ

    pyaar ban kar jo lab-e-sāz pe aa.e bhī nahīñ

    zindagānī to ḳharīdār-e-sitam hai lekin

    tum ne bāzār salīboñ ke sajā.e bhī nahīñ

    kuchh irāde mire gītoñ thakan haiñ ab bhī

    kuchh fasāne tirī ā.ankhoñ ne sunā.e bhī nahīñ

    dhuup sochoñ ke dar-o-bām tak aa pahuñchī hai

    aur aaise meñ tirī yaad ke saa.e bhī nahīñ

    ārzuoñ ke umañgoñ ke mazāroñ pe kahīñ

    ġham-e-ayyām ne do phuul chaḌhā.e bhī nahīñ

    vaqt raah meñ anjān nazar aate haiñ

    varna ye log kuchh itne to parā.e bhī nahīñ

    duur ke des pariyoñ bharosa kyā thā

    ham ne ḳhvāboñ ke na.e diip jalā.e bhī nahīñ

    zindagānī ke hasīñ shahr meñ aa kar 'jāmī'

    zindagānī se kahīñ haath milā.e bhī nahīñ

    jagte gham bhi nahin jhumte sae bhi nahin

    sath apne bhi nahin aur parae bhi nahin

    sina-e-saz mein wo git sulag uTThe hain

    pyar ban kar jo lab-e-saz pe aae bhi nahin

    zindagani to KHaridar-e-sitam hai lekin

    tum ne bazar salibon ke sajae bhi nahin

    kuchh irade mere giton ki thakan hain ab bhi

    kuchh fasane teri aaankhon ne sunae bhi nahin

    dhup sochon ke dar-o-baam tak aa pahunchi hai

    aur aaise mein teri yaad ke sae bhi nahin

    aarzuon ke umangon ke mazaron pe kahin

    gham-e-ayyam ne do phul chaDhae bhi nahin

    waqt ki rah mein anjaan nazar aate hain

    warna ye log kuchh itne to parae bhi nahin

    dur ke des ki pariyon ka bharosa kya tha

    hum ne KHwabon ke nae dip jalae bhi nahin

    zindagani ke hasin shahr mein aa kar 'jami'

    zindagani se kahin hath milae bhi nahin

    Source :
    • Book : mahvar (Pg. 87)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY