jagte rahna hai ab KHwab ki tabir talak

jāgte rahnā hai ab ḳhvāb kī ta.abīr talak

dard sahnā hai ye tiryāk kī tāsīr talak

is meñ saaya koī ban jaa.e to aa jaanā tum

ham yahīñ baiTheñge dīvār kī ta.amīr talak

aap ke saath bas ik shaam bitāne ke liye

daav pe dil kī lagā Daalī hai jāgīr talak

āsmāñ par jo sitāroñ kī thī mahfil is meñ

ham ne dekhī thī numāyāñ tirī tasvīr talak

aaj 'dilshād' ne phir ek ġhazal likh Daalī

silsila jā.egā 'ġhālib' se kabhī 'mīr' talak

jagte rahna hai ab KHwab ki tabir talak

dard sahna hai ye tiryak ki tasir talak

is mein saya koi ban jae to aa jaana tum

hum yahin baiThenge diwar ki tamir talak

aap ke sath bas ek sham bitane ke liye

daw pe dil ki laga Dali hai jagir talak

aasman par jo sitaron ki thi mahfil is mein

hum ne dekhi thi numayan teri taswir talak

aaj 'dilshad' ne phir ek ghazal likh Dali

silsila jaega 'ghaalib' se kabhi 'mir' talak