jam khanke to sambhaala na gaya dil tum se
jaam khanke to sambhālā na gayā dil tum se
hai abhī duur bahut zabt kī manzil tum se
ham to dariyā meñ bahut duur nikal aa.e haiñ
lauT jaao abhī nazdīk hai sāhil tum se
justujū sarhad-e-idrāk se aage na baḌhī
do-qadam tai na huā mahala-e-dil tum se
ḳhalvat-e-shauq ke dar band kiye letā huuñ
ab shikāyat na karegī koī mahfil tum se
saḳht-jānī mirī āsūda-e-ḳhanjar to na thī
kyuuñ nikālā gayā hausla-e-dil tum se
tum to naġhmoñ kī fasīloñ pe bahut nāzāñ the
kyuuñ dabāyā na gayā shor-e-salāsil tum se
dhaḌkanoñ ko nazar-andāz kiye jaate ho
phir na kahnā ki muḳhātab na huā dil tum se
jam khanke to sambhaala na gaya dil tum se
hai abhi dur bahut zabt ki manzil tum se
hum to dariya mein bahut dur nikal aae hain
lauT jao abhi nazdik hai sahil tum se
justuju sarhad-e-idrak se aage na baDhi
do-qadam tai na hua mahala-e-dil tum se
KHalwat-e-shauq ke dar band kiye leta hun
ab shikayat na karegi koi mahfil tum se
saKHt-jaani meri aasuda-e-KHanjar to na thi
kyun nikala gaya hausla-e-dil tum se
tum to naghmon ki fasilon pe bahut nazan the
kyun dabaya na gaya shor-e-salasil tum se
dhaDkanon ko nazar-andaz kiye jate ho
phir na kahna ki muKHatab na hua dil tum se
Source:
Kalam-e-aizaz afzal (Pg. 151)
- Author: Aizaz Afzal
-
- Publisher: Usmania Book Depot
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
