jam la jam ki aalam se ji Darta hai
jam la jam ki aalam se ji Darta hai
Akhtar Ansari Akbarabadi
MORE BYAkhtar Ansari Akbarabadi
jaam lā jaam ki ālām se jī Dartā hai
asar-e-gardish-e-ayyām se jī Dartā hai
lab pe ab āriz-o-gesū ke fasāne kyā hoñ
fitnahā-e-sahar-o-shām se jī Dartā hai
tujh ko maiñ DhūñDhtā phirtā huuñ dar-o-bām se duur
ab tajallī-e-dar-o-bām se jī Dartā hai
gul khilā.e na kahīñ fitna-e-daurāñ kuchh aur
āj-kal daur-e-mai-o-jām se jī Dartā hai
nigah-e-mast ke qurbān mirī samt na dekh
mauja-e-bāda-e-gulfām se jī Dartā hai
chhoḌ kar raah meñ but-ḳhāne guzar jaatā huuñ
hosh meñ jalva-e-asnām se jī Dartā hai
raat kī zulmateñ baḌhtī hī chalī jaatī haiñ
'aḳhtar' apnā to sar-e-shām se jī Dartā hai
jam la jam ki aalam se ji Darta hai
asar-e-gardish-e-ayyam se ji Darta hai
lab pe ab aariz-o-gesu ke fasane kya hon
fitnaha-e-sahar-o-sham se ji Darta hai
tujh ko main DhunDhta phirta hun dar-o-baam se dur
ab tajalli-e-dar-o-baam se ji Darta hai
gul khilae na kahin fitna-e-dauran kuchh aur
aaj-kal daur-e-mai-o-jam se ji Darta hai
nigah-e-mast ke qurban meri samt na dekh
mauja-e-baada-e-gulfam se ji Darta hai
chhoD kar rah mein but-KHane guzar jata hun
hosh mein jalwa-e-asnam se ji Darta hai
raat ki zulmaten baDhti hi chali jati hain
'aKHtar' apna to sar-e-sham se ji Darta hai
Source:
Dil-e-ruswa (Pg. E-20 B-16)
- Author: Akhtar Ansari Akbarabadi
-
- Publisher: Halqa-e-Arbab, Karachi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
