jaan-e-afsana yahi kuchh bhi ho afsane ka nam
jaan-e-afsana yahi kuchh bhi ho afsane ka nam
Anand Narayan Mulla
MORE BYAnand Narayan Mulla
jān-e-afsāna yahī kuchh bhī ho afsāne kā naam
zindagī hai dil kī dhaḌkan tez ho jaane kā naam
qatra qatra zindagī ke zahr kā piinā hai ġham
aur ḳhushī hai do ghaḌī pī kar bahak jaane kā naam
aaj tū kal koī aur hogā sadr-e-bazm-e-mai
sāqiyā tujh se nahīñ ham se hai mai-ḳhāne kā naam
intizār-e-fasl-e-gul meñ kho chuke āñkhoñ kā nuur
aur bahār-e-bāġh letī hī nahīñ aane kā naam
tāb-e-nākāmī nahīñ to aarzū kartā hai kyā
sāqiyā tujh se nahīñ ham se hai mai-ḳhāne kā naam
vāqif-e-'mullā' na thī bazm-e-ḳhirad ye tai huā
ho na ho ye hai kisī mash.hūr dīvāne kā naam
jaan-e-afsana yahi kuchh bhi ho afsane ka nam
zindagi hai dil ki dhaDkan tez ho jaane ka nam
qatra qatra zindagi ke zahr ka pina hai gham
aur KHushi hai do ghaDi pi kar bahak jaane ka nam
aaj tu kal koi aur hoga sadr-e-bazm-e-mai
saqiya tujh se nahin hum se hai mai-KHane ka nam
intizar-e-fasl-e-gul mein kho chuke aankhon ka nur
aur bahaar-e-bagh leti hi nahin aane ka nam
tab-e-nakaami nahin to aarzu karta hai kya
saqiya tujh se nahin hum se hai mai-KHane ka nam
waqif-e-'mulla' na thi bazm-e-KHirad ye tai hua
ho na ho ye hai kisi mashhur diwane ka nam
Source:
Junoon (Pg. 167)
- Author: Naseem Muqri
-
- Edition: 1990
- Publisher: Naseem Muqri
- Year of Publication: 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
