jaan-e-fikr-o-fan ab bhi ishq ki kahani hai
jān-e-fikr-o-fan ab bhī ishq kī kahānī hai
lafz haiñ na.e lekin dāstāñ purānī hai
zindagī ke afsāne ek se sahī lekin
jo mirī kahānī hai vo mirī kahānī hai
dekhtā hai rah rah kar muñh nigāh vāloñ kā
misra-e-ġharīb apnā naqshā-e-be-zabānī hai
iltifāt farmā.eñ yā taġhāful apnā.eñ
mudda.ā hasīnoñ kā sirf jāñ-sitānī hai
pur-ḳhatā sahī 'ja.afar' be-vafā sahī 'ja.afar'
ḳhair tum sahī haq par baat kyā baḌhānī hai
jaan-e-fikr-o-fan ab bhi ishq ki kahani hai
lafz hain nae lekin dastan purani hai
zindagi ke afsane ek se sahi lekin
jo meri kahani hai wo meri kahani hai
dekhta hai rah rah kar munh nigah walon ka
misra-e-gharib apna naqsha-e-be-zabani hai
iltifat farmaen ya taghaful apnaen
muddaa hasinon ka sirf jaan-sitani hai
pur-KHata sahi 'jafar' be-wafa sahi 'jafar'
KHair tum sahi haq par baat kya baDhani hai
Source:
Aqleem (Pg. 89)
- Author: Jafar Baloch
-
- Edition: 1986
- Publisher: Maktaba aalia, Urdu Bazar Lahore
- Year of Publication: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
