jaan ise chalane mein ahrman ki khapti hai
jaan ise chalāne meñ ahrman kī khaptī hai
rāt-din magar duniyā naam terā japtī hai
raushnī ke jalve haiñ phalte phūlte jañgal
jin kī chhattr-chhāyā meñ tīrgī panaptī hai
guuñj sī yahāñ shab-bhar tum jo roz sunte ho
dasht kī panāhoñ meñ ḳhāmushī taḌaptī hai
kyā kahā kaho to phir dhyān husn sīrat kā
ai miyāñ mirī maano chhāp lo jo chhaptī hai
nā-gahāñ magar is meñ phuul kyuuñ nahīñ khilte
reg-zār kī mānind ḳhāk-e-dil bhī taptī hai
husn utar ke aatā hai yuuñ 'umañg' āñkhoñ meñ
jhiil jis tarah gahrī raushnī haḌaptī hai
jaan ise chalane mein ahrman ki khapti hai
raat-din magar duniya nam tera japti hai
raushni ke jalwe hain phalte phulte jangal
jin ki chhattr-chhaya mein tirgi panapti hai
gunj si yahan shab-bhar tum jo roz sunte ho
dasht ki panahon mein KHamushi taDapti hai
kya kaha kaho to phir dhyan husn sirat ka
ai miyan meri mano chhap lo jo chhapti hai
na-gahan magar is mein phul kyun nahin khilte
reg-zar ki manind KHak-e-dil bhi tapti hai
husn utar ke aata hai yun 'umang' aankhon mein
jhil jis tarah gahri raushni haDapti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
