jaan yun libas-e-jism ko nikli utar kar

Quaiser Khalid

jaan yun libas-e-jism ko nikli utar kar

Quaiser Khalid

MORE BY Quaiser Khalid

    jaañ yuuñ libās-e-jism ko niklī utaar kar

    jaise koī sarā.e meñ ik shab guzār kar

    hālāt ne libās to melā kiyā magar

    kirdār phir bhī rakkhā hai ham ne sañvār kar

    me.aar āj-kal to baḌā.ī hai yahī

    apnī har ek baat ko ishtihār kar

    gar ho sake to de unheñ ummīd kiran

    baiThe hoñ zindagānī se apnī jo haar kar

    duniyā bahut baḌī hai kahīñ kar talāsh-e-rizq

    hālāt kuchh hoñ in pe na ab inhisār kar

    ye bhī to hai anā ko kuchalne ek taur

    nafrat rahī hai jis se usī ko pyaar kar

    jo zaḳhm dushmanoñ se mile un ko na dekh

    jo dostoñ ne baḳhshe haiñ un shumār kar

    ummīd roz ek na.ī le ke jāgiye

    nākāmiyoñ ke bojh ko sar se utaar kar

    har koī āñsuoñ zabāñ jāntā nahīñ

    āñkheñ kisī ke sāmne mat ābshār kar

    apne nahīñ to aur kisī ke liye bhī

    'ḳhālid' ravish ik aisī bhī ab iḳhtiyār kar

    jaan yun libas-e-jism ko nikli utar kar

    jaise koi sarae mein ek shab guzar kar

    haalat ne libas to mela kiya magar

    kirdar phir bhi rakkha hai hum ne sanwar kar

    mear aaj-kal to baDai ka hai yahi

    apni har ek baat ko tu ishtihaar kar

    gar ho sake to de unhen ummid ki kiran

    baiThe hon zindagani se apni jo haar kar

    duniya bahut baDi hai kahin kar talash-e-rizq

    haalat kuchh hon in pe na ab inhisar kar

    ye bhi to hai ana ko kuchalne ka ek taur

    nafrat rahi hai jis se usi ko tu pyar kar

    jo zaKHm dushmanon se mile un ko tu na dekh

    jo doston ne baKHshe hain un ka shumar kar

    ummid roz ek nai le ke jagiye

    nakaamiyon ke bojh ko sar se utar kar

    har koi aansuon ki zaban jaanta nahin

    aankhen kisi ke samne mat aabshaar kar

    apne nahin to aur kisi ke liye bhi ji

    'KHalid' rawish ek aisi bhi ab iKHtiyar kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY