jaanā jaanā jaldī kyā hai in bātoñ ko jaane do
Thahro Thahro dil to Thahre mujh ko hosh meñ aane do
paañv nikālo ḳhalvat se aa.e jo qayāmat aane do
sayyāre sar aapas meñ Takrā.eñ agar Takrāne do
bādal garjā bijlī chamkī roī shabnam phuul hañse
murġh-e-sahar ko hijr kī shab ke afsāne dohrāne do
haath meñ hai ā.īna o shāna phir bhī shikan peshānī par
mauj-e-sabā se tum na bigḌo zulfoñ ko bal khāne do
kasrat se jab nām-o-nishāñ hai kyā hoñge gumnām 'safī'
naqsh diloñ par naam hai apnā naqsh-e-lahad miT jaane do
jaana jaana jaldi kya hai in baaton ko jaane do
Thahro Thahro dil to Thahre mujh ko hosh mein aane do
panw nikalo KHalwat se aae jo qayamat aane do
sayyare sar aapas mein Takraen agar Takrane do
baadal garja bijli chamki roi shabnam phul hanse
murgh-e-sahar ko hijr ki shab ke afsane dohrane do
hath mein hai aaina o shana phir bhi shikan peshani par
mauj-e-saba se tum na bigDo zulfon ko bal khane do
kasrat se jab nam-o-nishan hai kya honge gumnam 'safi'
naqsh dilon par nam hai apna naqsh-e-lahad miT jaane do
Source:
Roomani Ghazlen (Pg. 82)
-
Author:
Samina Hijab
-
- Edition: 1997
- Publisher: Maktaba Jamia Limited, New Delhi
- Year of Publication: 1997
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.