jaane hum ye kin galiyon mein KHak uDa kar aa jate hain

Zulfiqar Aadil

jaane hum ye kin galiyon mein KHak uDa kar aa jate hain

Zulfiqar Aadil

MORE BYZulfiqar Aadil

    jaane ham ye kin galiyoñ meñ ḳhaak uḌā kar aa jaate haiñ

    ishq to vo hai jis meñ nā-maujūd mayassar aa jaate haiñ

    jaane kyā bāteñ kartī haiñ din bhar aapas meñ dīvāreñ

    darvāze par qufl lagā kar ham to daftar aa jaate haiñ

    kaam mukammal karne se bhī shaam mukammal kab hotī hai

    ek parinda rah jaatā hai baaqī sab ghar aa jaate haiñ

    apne dil meñ geñd chhupā kar un meñ shāmil ho jaatā huuñ

    DhūñDte DhūñDte saare bachche mere andar aa jaate haiñ

    miim mohabbat paḌhte paḌhte likhte likhte kaaf kahānī

    baiThe baiThe is maktab meñ ḳhaak barābar aa jaate haiñ

    roz nikal jaate haiñ ḳhālī ghar se ḳhālī dil ko le kar

    aur apnī ḳhālī turbat par phuul sajā kar aa jaate haiñ

    ḳhaak meñ uñglī pherte rahnā naqsh banānā vahshat likhnā

    in vaqtoñ ke chand nishāñ ab bhī kūzoñ par aa jaate haiñ

    naam kisī raTte raTte ek girah paḌ jaatī hai

    jin koī naam nahīñ vo log zabāñ par aa jaate haiñ

    phir bistar se uThne bhī mohlat kab miltī hai 'ādil'

    niiñd meñ aatī haiñ āvāzeñ ḳhvāb meñ lashkar aa jaate haiñ

    jaane hum ye kin galiyon mein KHak uDa kar aa jate hain

    ishq to wo hai jis mein na-maujud mayassar aa jate hain

    jaane kya baaten karti hain din bhar aapas mein diwaren

    darwaze par qufl laga kar hum to daftar aa jate hain

    kaam mukammal karne se bhi sham mukammal kab hoti hai

    ek parinda rah jata hai baqi sab ghar aa jate hain

    apne dil mein gend chhupa kar un mein shamil ho jata hun

    DhunDte DhunDte sare bachche mere andar aa jate hain

    mim mohabbat paDhte paDhte likhte likhte kaf kahani

    baiThe baiThe is maktab mein KHak barabar aa jate hain

    roz nikal jate hain KHali ghar se KHali dil ko le kar

    aur apni KHali turbat par phul saja kar aa jate hain

    KHak mein ungli pherte rahna naqsh banana wahshat likhna

    in waqton ke chand nishan ab bhi kuzon par aa jate hain

    nam kisi ka raTte raTte ek girah si paD jati hai

    jin ka koi nam nahin wo log zaban par aa jate hain

    phir bistar se uThne ki bhi mohlat kab milti hai 'adil'

    nind mein aati hain aawazen KHwab mein lashkar aa jate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY