jaane kaisa ye nur hai mujh mein
jaane kaisā ye nuur hai mujh meñ
chāñd koī zarūr hai mujh meñ
koī paḌhtā nahīñ kabhī us ko
vo jo bainassutūr hai mujh meñ
jaane kis meñ hai ājizī merī
jaane kis kā ġhurūr hai mujh meñ
kahīñ bāhar nazar nahīñ aatā
merā dushman zarūr hai mujh meñ
kirchiyāñ chubh rahī haiñ siine meñ
aa.ina chuur chuur hai mujh meñ
muddatoñ tak safar meñ rah kar bhī
koī manzil se duur hai mujh meñ
muntazir hai kisī tajallī kā
ek jo koh-e-tūr hai mujh meñ
maiñ ye mahsūs kar rahā huuñ 'kamāl'
koī mujh se hī duur hai mujh meñ
jaane kaisa ye nur hai mujh mein
chand koi zarur hai mujh mein
koi paDhta nahin kabhi us ko
wo jo bainassutur hai mujh mein
jaane kis mein hai aajizi meri
jaane kis ka ghurur hai mujh mein
kahin bahar nazar nahin aata
mera dushman zarur hai mujh mein
kirchiyan chubh rahi hain sine mein
aaina chur chur hai mujh mein
muddaton tak safar mein rah kar bhi
koi manzil se dur hai mujh mein
muntazir hai kisi tajalli ka
ek jo koh-e-tur hai mujh mein
main ye mahsus kar raha hun 'kamal'
koi mujh se hi dur hai mujh mein
- Book : Radd-e-amal (Pg. 30)
- Author : Ahmad Kamal Hashami
- Publication : Ahmad Kamal Hashami (2016)
- Edition : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
