jaane kis baat ka mujhko ye sila dete hain

jaane kis baat kā mujh ko ye sila dete haiñ

dekh kar sāmne chilman vo girā dete haiñ

sho'la-e-shar ko vo is tarh havā dete haiñ

muskurātī huī āñkhoñ ko rulā dete haiñ

pyaar se aag jo nafrat kī bujhā dete haiñ

tapte sahrā ko vo gulzār banā dete haiñ

kar ke vo 'ahd-e-vafā roz daġhā dete haiñ

aur ilzām mire sar pe lagā dete haiñ

ho nahīñ saktī kabhī un se bhalā.ī sādir

jo buzurgoñ kī nasīhat ko bhulā dete haiñ

jaane kis baat ka mujh ko ye sila dete hain

dekh kar samne chilman wo gira dete hain

sho'la-e-shar ko wo is tarh hawa dete hain

muskuraati hui aankhon ko rula dete hain

pyar se aag jo nafrat ki bujha dete hain

tapte sahra ko wo gulzar bana dete hain

kar ke wo 'ahd-e-wafa roz dagha dete hain

aur ilzam mere sar pe laga dete hain

ho nahin sakti kabhi un se bhalai sadir

jo buzurgon ki nasihat ko bhula dete hain