jaane kitni der chalegi sath mere chamkili dhup
jaane kitnī der chalegī saath mire chamkīlī dhuup
aane vaalā mausam laa.e shāyad giilī giilī dhuup
qarya qarya kaañp rahā hai sard havā ke jhoñkoñ se
kitne āñgan garmā.egī tanhā ek akelī dhuup
chanchal shoḳh-adā kirneñ to duur dishā tak jā pahuñchīñ
baiThī ḳhud ko kos rahī hai āñgan kī sharmīlī dhuup
azmat kī mustahkam choTī shāyad us ko raas na aa.ī
har chaukhaT ko chhūne niklī shohrat kī rañgīlī dhuup
ham ne apnī hirs-o-havas ko baḳhshī itnī tābānī
ab kī sadī meñ shāyad phaile bastī meñ zahrīlī dhuup
jaane kitni der chalegi sath mere chamkili dhup
aane wala mausam lae shayad gili gili dhup
qarya qarya kanp raha hai sard hawa ke jhonkon se
kitne aangan garmaegi tanha ek akeli dhup
chanchal shoKH-ada kirnen to dur disha tak ja pahunchin
baiThi KHud ko kos rahi hai aangan ki sharmili dhup
azmat ki mustahkam choTi shayad us ko ras na aai
har chaukhaT ko chhune nikli shohrat ki rangili dhup
hum ne apni hirs-o-hawas ko baKHshi itni tabani
ab ki sadi mein shayad phaile basti mein zahrili dhup
Source:
Khushk Tahni Zard Pattay (Pg. 66)
- Author: Yousuf Taqi
-
- Edition: 2003
- Publisher: Yousuf Taqi
- Year of Publication: 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
