jaanta hun ab yunhi barbaad rakkhega mujhe

jāntā huuñ ab yūñhī barbād rakkhegā mujhe

vo bhī lekin is bahāne yaad rakkhegā mujhe

ḳhud mirī vāraftagī ne duur use mujh se kiyā

ye ḳhayāl ab umr bhar nāshād rakkhegā mujhe

haal se mere rahegā be-ḳhabar bhī ab vahī

jo ki mhv-e-vahshat o uftād rakkhegā mujhe

mehrbāñ jab ho to kartā hai asīrī kā savāl

vo ḳhafā hai jab talak āzād rakkhegā mujhe

ḳhud se bhī pahle rakhā thā mujh ko jis ne kal talak

lag rahā hai ab vo sab ke ba.ad rakkhegā mujhe

jaanta hun ab yunhi barbaad rakkhega mujhe

wo bhi lekin is bahane yaad rakkhega mujhe

KHud meri waraftagi ne dur use mujh se kiya

ye KHayal ab umr bhar nashad rakkhega mujhe

haal se mere rahega be-KHabar bhi ab wahi

jo ki mhw-e-wahshat o uftad rakkhega mujhe

mehrban jab ho to karta hai asiri ka sawal

wo KHafa hai jab talak aazad rakkhega mujhe

KHud se bhi pahle rakha tha mujh ko jis ne kal talak

lag raha hai ab wo sab ke baad rakkhega mujhe