jaanti hun shahr mein ek ghar banana masala hai

jāntī huuñ shahr meñ ik ghar banānā mas.ala hai

gaañv ko apne bilaktā chhoḌ aanā mas.ala hai

zindagī kī laash kab se hī paḌī hai dar pe mere

kaun marghaT le ke jaa.e yaañ to shānā mas.ala hai

noch kar sab pankh un ke uḌ ga.e haiñ pair vaale

in parindoñ kā zamīñ par pankh paanā mas.ala hai

naap lūñgī arsh maiñ bhī sabr bas mujh ko hai karnā

kuchh mirī majbūriyoñ kā aaj maanā mas.ala hai

us ne apne rañg se jab rañg dī hai ruuh merī

kyoñ hathelī kī hinā kā phir jamānā mas.ala hai

thā sukūñ dil ko 'hayā' kachchī likhā.ī meñ hī pahle

ab to pakkī maiñ bhī us kā chain paanā mas.ala hai

jaanti hun shahr mein ek ghar banana masala hai

ganw ko apne bilakta chhoD aana masala hai

zindagi ki lash kab se hi paDi hai dar pe mere

kaun marghaT le ke jae yan to shana masala hai

noch kar sab pankh un ke uD gae hain pair wale

in parindon ka zamin par pankh pana masala hai

nap lungi arsh main bhi sabr bas mujh ko hai karna

kuchh meri majburiyon ka aaj mana masala hai

us ne apne rang se jab rang di hai ruh meri

kyon hatheli ki hina ka phir jamana masala hai

tha sukun dil ko 'haya' kachchi likhai mein hi pahle

ab to pakki main bhi us ka chain pana masala hai