jata hai mere ghar se dil-dar KHuda-hafiz

jaatā hai mire ghar se dil-dār ḳhudā-hāfiz

hai zindagī ab mushkil be-yār ḳhudā-hāfiz

vo mast-e-sharāb-e-husn ġhusse se nihāyat hī

khīñche ho.e aatā hai talvār ḳhudā-hāfiz

mujh paas tabīb aa ke kahne lagā ai yaar

be-tarah kā hai is ko āzār ḳhudā-hāfiz

hāsil nahīñ darmāñ kā vo hai ye maraz jas se

jāñ-bar na huā koī bīmār ḳhudā-hāfiz

be-tarah kuchh īdhar ko vo mast-e-sharāb-e-husn

khīñche hue aatā hai talvār ḳhudā-hāfiz

ai shaiḳh tū us but ke kūche meñ to jaatā hai

ho jaa.e na ye sub.ha zunnār ḳhudā-hāfiz

Dartā huuñ ki dil har dam maltā hai na ho jaave

us chashm-e-sitam-gar kā bīmār ḳhudā-hāfiz

yuuñ mehr se farmāyā us maah ne vaqt-e-sub.h

ham jaane haiñ ab terā 'bedār' ḳhudā-hāfiz

jata hai mere ghar se dil-dar KHuda-hafiz

hai zindagi ab mushkil be-yar KHuda-hafiz

wo mast-e-sharab-e-husn ghusse se nihayat hi

khinche hoe aata hai talwar KHuda-hafiz

mujh pas tabib aa ke kahne laga ai yar

be-tarah ka hai is ko aazar KHuda-hafiz

hasil nahin darman ka wo hai ye maraz jas se

jaan-bar na hua koi bimar KHuda-hafiz

be-tarah kuchh idhar ko wo mast-e-sharab-e-husn

khinche hue aata hai talwar KHuda-hafiz

ai shaiKH tu us but ke kuche mein to jata hai

ho jae na ye subha zunnar KHuda-hafiz

Darta hun ki dil har dam malta hai na ho jawe

us chashm-e-sitam-gar ka bimar KHuda-hafiz

yun mehr se farmaya us mah ne waqt-e-subh

hum jaane hain ab tera 'bedar' KHuda-hafiz