jate jate wo mujhe apni nishani de gaya

jaate jaate vo mujhe apnī nishānī de gayā

zindagī-bhar ke liye āñkhoñ meñ paanī de gayā

sunte sunte dāstāñ so jā.eñge sab chāragar

ḳhatm jo hogī nahīñ aisī kahānī de gayā

sar mire siine pe us ne jab rakhā hai zindagī

is tarah dariyā-e-dil ko vo ravānī de gayā

baat bhī itnī ki bas us ne kiyā mujh ko salām

haañ magar logoñ ke dil meñ bad-gumānī de gayā

thī ġhazal merī bahut be-rabt be-kaif-o-asar

vo mire ash.ār ko alfāz-o-ma.anī de gayā

bazm meñ be-parda aayā muskurā kar sāmne

nā-tavāñ dil ko mire phir se javānī de gayā

le gayā hamrāh apne vo makāñ aur bām-o-dar

hai nazar sab kuchh magar ik be-makānī de gayā

jate jate wo mujhe apni nishani de gaya

zindagi-bhar ke liye aankhon mein pani de gaya

sunte sunte dastan so jaenge sab chaaragar

KHatm jo hogi nahin aisi kahani de gaya

sar mere sine pe us ne jab rakha hai zindagi

is tarah dariya-e-dil ko wo rawani de gaya

baat bhi itni ki bas us ne kiya mujh ko salam

han magar logon ke dil mein bad-gumani de gaya

thi ghazal meri bahut be-rabt be-kaif-o-asar

wo mere ashaar ko alfaz-o-mani de gaya

bazm mein be-parda aaya muskura kar samne

na-tawan dil ko mere phir se jawani de gaya

le gaya hamrah apne wo makan aur baam-o-dar

hai nazar sab kuchh magar ek be-makani de gaya