jawedan gham ahd-e-ishrat tez-pa

jāvedāñ ġham ahd-e-ishrat tez-pā

jaane kyā hai zindagī kā mudda.ā

uTh rahe haiñ dam-ba-dam tūfān-e-ġham

ek dil hai maiñ huuñ aur merā ḳhudā

hai ġham-e-dil manzil-e-āġhāz meñ

dekhiye hotā hai ab anjām kyā

hāl-e-dil par aap kyoñ haiñ nauhagar

maiñ ne paa.ī hai mohabbat kī sazā

Dūbtī hai merī kashtī Duub jaa.e

kaun ho minnat-pazīr-e-nāḳhudā

aap bhī āḳhir na mere ho sake

aur ab kis se ho ummīd-e-vafā

'hosh' maiñ nā-āshnā-e-intiqām

apne dushman ko bhī detā huuñ duā

jawedan gham ahd-e-ishrat tez-pa

jaane kya hai zindagi ka muddaa

uTh rahe hain dam-ba-dam tufan-e-gham

ek dil hai main hun aur mera KHuda

hai gham-e-dil manzil-e-aghaz mein

dekhiye hota hai ab anjam kya

haal-e-dil par aap kyon hain nauhagar

main ne pai hai mohabbat ki saza

Dubti hai meri kashti Dub jae

kaun ho minnat-pazir-e-naKHuda

aap bhi aaKHir na mere ho sake

aur ab kis se ho ummid-e-wafa

'hosh' main na-ashna-e-intiqam

apne dushman ko bhi deta hun dua