jab aankh us sanam se laDi tab KHabar paDi

jab aañkh us sanam se laḌī tab ḳhabar paḌī

ġhaflat kī gard dil se jhaḌī tab ḳhair paḌī

pahle ke jaam meñ na huā kuchh nasha to aah

dilbar ne dī tab us se kaḌī tab ḳhabar paḌī

laa.e the ham to 'umr paTā yaañ likhā vale

jab siyāhī par safedī chaḌī tab ḳhabar paḌī

dāḌheñ lagīñ ukhaḌne ko dandāñ hue shahīd

majlis meñ chal-ba-chal ye paḌī tab ḳhabar paḌī

bin daañt bhī hañse pa jab āñkheñ chalīñ to aah!

jab laagī āñsuon kī jhaḌī tab ḳhabar paḌī

shahtīr sā vo qad thā so ḳham ho ke jhuk gayā

girne lagī kaḌī pe kaḌī tab ḳhabar paḌī

nīchā dikhāyā sher ne to bhī ye samjhe jhuuT

jab chaab lī gale kī naḌī tab ḳhabar paḌī

jab aa.e us gaḌhe meñ 'nazīr' aur hazār man

uupar se aa ke ḳhaak paḌī tab ḳhabar paḌī

jab aankh us sanam se laDi tab KHabar paDi

ghaflat ki gard dil se jhaDi tab KHair paDi

pahle ke jam mein na hua kuchh nasha to aah

dilbar ne di tab us se kaDi tab KHabar paDi

lae the hum to 'umr paTa yan likha wale

jab siyahi par safedi chaDi tab KHabar paDi

daDhen lagin ukhaDne ko dandan hue shahid

majlis mein chal-ba-chal ye paDi tab KHabar paDi

bin dant bhi hanse pa jab aankhen chalin to aah!

jab lagi aansuon ki jhaDi tab KHabar paDi

shahtir sa wo qad tha so KHam ho ke jhuk gaya

girne lagi kaDi pe kaDi tab KHabar paDi

nicha dikhaya sher ne to bhi ye samjhe jhuT

jab chab li gale ki naDi tab KHabar paDi

jab aae us gaDhe mein 'nazir' aur hazar man

upar se aa ke KHak paDi tab KHabar paDi