jab apne wadon se un ko makr hi jaana tha

jab apne va.adoñ se un ko makr hī jaanā thā

hameñ bhī saarī hadoñ se guzar hī jaanā thā

lahū kī taab se raushan thā kārvān-e-hayāt

fareb dene se behtar to mar hī jaanā thā

na rakh sake sar-e-saudā-e-ishq kī tauqīr

buland rakhte ḳhushī se jo sar hī jaanā thā

lahū kī aag asīrī meñ sard ho ke rahī

isī liye hameñ zindāñ se ghar hī jaanā thā

jo intishār-e-vajūd-e-ziyāñ hī thā maqsūm

charāġh-e-nūr kī sūrat bikhar hī jaanā thā

na mil sakī kahīñ ghar se sivā hameñ vahshat

palaT ke is liye qadmoñ ko ghar hī jaanā thā

huī jo zer-o-zabar ziist yuuñ masā.il se

ġhurūr-e-ishq kā dariyā utar hī jaanā thā

agarche miltā bhī un ko unhī sā saudā.ī

fareb-e-dostī 'ḳhālid' ke sar hī jaanā thā

jab apne wadon se un ko makr hi jaana tha

hamein bhi sari hadon se guzar hi jaana tha

lahu ki tab se raushan tha karwan-e-hayat

fareb dene se behtar to mar hi jaana tha

na rakh sake sar-e-sauda-e-ishq ki tauqir

buland rakhte KHushi se jo sar hi jaana tha

lahu ki aag asiri mein sard ho ke rahi

isi liye hamein zindan se ghar hi jaana tha

jo intishaar-e-wajud-e-ziyan hi tha maqsum

charagh-e-nur ki surat bikhar hi jaana tha

na mil saki kahin ghar se siwa hamein wahshat

palaT ke is liye qadmon ko ghar hi jaana tha

hui jo zer-o-zabar zist yun masail se

ghurur-e-ishq ka dariya utar hi jaana tha

agarche milta bhi un ko unhi sa saudai

fareb-e-dosti 'KHalid' ke sar hi jaana tha