jab ashk teri yaad mein aankhon se Dhale hain

Sufi Tabassum

jab ashk teri yaad mein aankhon se Dhale hain

Sufi Tabassum

MORE BYSufi Tabassum

    jab ashk tirī yaad meñ āñkhoñ se Dhale haiñ

    tāroñ ke diye sūrat-e-parvāna jale haiñ

    sau baar basā.ī hai shab-e-vasl jannat

    sau baar ġham-e-hijr ke sho.aloñ meñ jale haiñ

    har aan umañgoñ ke badalte rahe tevar

    har aan mohabbat meñ na.ī raah chale haiñ

    mahtāb se chehre the sitāroñ nigāheñ

    ham log inhī chāñd sitāroñ meñ pale haiñ

    noche haiñ kabhī ham ne havādis ke garebāñ

    nākāmi-e-koshish pe kabhī haath male haiñ

    tārīk fazāoñ ke ubharte rahe tūfāñ

    phir bhī tirī yādoñ ke diye ḳhuub jale haiñ

    kyā jāniye ye riñd bure haiñ ki bhale haiñ

    saaqī nigāhoñ ke ishāroñ pe chale haiñ

    mahsūs ye hotā hai ki duniyā bahāreñ

    us gul-kada-e-nāz ke saa.e ke tale haiñ

    yūñhī to dil-āvez nahīñ sher-e-'tabassum'

    ye naqsh tire husn ke sāñche meñ Dhale haiñ

    jab ashk teri yaad mein aankhon se Dhale hain

    taron ke diye surat-e-parwana jale hain

    sau bar basai hai shab-e-wasl ki jannat

    sau bar gham-e-hijr ke shoalon mein jale hain

    har aan umangon ke badalte rahe tewar

    har aan mohabbat mein nai rah chale hain

    mahtab se chehre the sitaron si nigahen

    hum log inhi chand sitaron mein pale hain

    noche hain kabhi hum ne hawadis ke gareban

    nakaami-e-koshish pe kabhi hath male hain

    tarik fazaon ke ubharte rahe tufan

    phir bhi teri yaadon ke diye KHub jale hain

    kya jaaniye ye rind bure hain ki bhale hain

    saqi ki nigahon ke ishaaron pe chale hain

    mahsus ye hota hai ki duniya ki bahaaren

    us gul-kada-e-naz ke sae ke tale hain

    yunhi to dil-awez nahin sher-e-'tabassum'

    ye naqsh tere husn ke sanche mein Dhale hain

    Source :
    • Book : (Sau Baar Chaman Mahka)Kulliyat-e- Sufi Tabassum (Pg. 209)
    • Author : Sufi Ghulam Mustafa Tabassum
    • Publication : Alhamd Publications, Lahore (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY