jab ba-faizan-e-junun parcham-e-zar khulte hain

Akhtar Ziai

jab ba-faizan-e-junun parcham-e-zar khulte hain

Akhtar Ziai

MORE BYAkhtar Ziai

    jab ba-faizān-e-junūñ parcham-e-zar khulte haiñ

    qufl-e-shab toḌ ke anvār-e-sahar khulte haiñ

    yuuñ ubhartī hai dil-e-tār meñ ummīd zau

    jaise zindāñ ke kabhī rauzan-o-dar khulte haiñ

    ġham se miltā hai mirī fikr ko is tarah farāġh

    jis tarah tā.ir-e-par-basta ke par khulte haiñ

    abr barse to bayābāñ meñ mahaktī hai bahār

    laakh mai-ḳhāne sar-e-rāhguzar khulte haiñ

    jin ko afzā.ish-e-mantiq ne kiyā ho taḳhlīq

    aise uqde bhī kahīñ ahl-e-nazar khulte haiñ

    shaiḳh arsa-e-jalvat meñ haiñ pāband-e-rusūm

    par ye ḳhalvat meñ bahut sho.abda-gar khulte haiñ

    fahm-o-iblāġh koī khel nahīñ hai 'aḳhtar'

    ḳhūn-e-dil dene se asrār-e-hunar khulte haiñ

    jab ba-faizan-e-junun parcham-e-zar khulte hain

    qufl-e-shab toD ke anwar-e-sahar khulte hain

    yun ubharti hai dil-e-tar mein ummid ki zau

    jaise zindan ke kabhi rauzan-o-dar khulte hain

    gham se milta hai meri fikr ko is tarah faragh

    jis tarah tair-e-par-basta ke par khulte hain

    abr barse to bayaban mein mahakti hai bahaar

    lakh mai-KHane sar-e-rahguzar khulte hain

    jin ko afzaish-e-mantiq ne kiya ho taKHliq

    aise uqde bhi kahin ahl-e-nazar khulte hain

    shaiKH ji arsa-e-jalwat mein hain paband-e-rusum

    par ye KHalwat mein bahut shoabda-gar khulte hain

    fahm-o-iblagh koi khel nahin hai 'aKHtar'

    KHun-e-dil dene se asrar-e-hunar khulte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY