jab bhi aanchal tere shanon se Dhalak jata hai
jab bhī āñchal tire shānoñ se Dhalak jaatā hai
dāman-e-hosh pe sho'la sā lapak jaatā hai
ye ḳhunuk shaam ye zulfeñ ye sharābī āñkheñ
aise 'ālam meñ farishta bhī bahak jaatā hai
laakh siine meñ mohabbat ko chhupāo lekin
dil kā jo rang ho āñkhoñ se chhalak jaatā hai
sun ke aġhyār kī tā'rīf tumhāre muñh se
mere ehsās kā paimāna chhalak jaatā hai
jhuum jaate haiñ dar-o-bām ḳhushī se 'kāmil'
vo jab aate haiñ to ghar saarā mahak jaatā hai
jab bhi aanchal tere shanon se Dhalak jata hai
daman-e-hosh pe sho'la sa lapak jata hai
ye KHunuk sham ye zulfen ye sharabi aankhen
aise 'alam mein farishta bhi bahak jata hai
lakh sine mein mohabbat ko chhupao lekin
dil ka jo rang ho aankhon se chhalak jata hai
sun ke aghyar ki ta'rif tumhaare munh se
mere ehsas ka paimana chhalak jata hai
jhum jate hain dar-o-baam KHushi se 'kaamil'
wo jab aate hain to ghar sara mahak jata hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
