jab bhi aansu gira tha kaghaz par

jab bhī aañsū girā thā kāġhaz par

raushnī kā diyā thā kāġhaz par

merī āñkheñ tavāf kartī thiiñ

dil kisī kā rakhā thā kāġhaz par

bhar gayā raushnī se ghar merā

naam kis kā likhā thā kāġhaz par

marne jiine kī khaa.ī thiiñ qasmeñ

maiñ ne ye bhī paḌhā thā kāġhaz par

pyaas kī ban ke aa ga.ī tasvīr

maiñ ne dariyā likhā thā kāġhaz par

yuuñ lagā merī aañkh kā aañsū

jaise sūraj rakhā thā kāġhaz par

us ne lamhe likhe the furqat ke

dil madīna banā thā kāġhaz par

lafz ash.ār hijr kī bāteñ

dard kā marsiya thā kāġhaz par

aañkh se gir ke ban ga.e motī

karbalā likh diyā thā kāġhaz par

jab bhi aansu gira tha kaghaz par

raushni ka diya tha kaghaz par

meri aankhen tawaf karti thin

dil kisi ka rakha tha kaghaz par

bhar gaya raushni se ghar mera

nam kis ka likha tha kaghaz par

marne jine ki khai thin qasmen

main ne ye bhi paDha tha kaghaz par

pyas ki ban ke aa gai taswir

main ne dariya likha tha kaghaz par

yun laga meri aankh ka aansu

jaise suraj rakha tha kaghaz par

us ne lamhe likhe the furqat ke

dil madina bana tha kaghaz par

lafz ashaar hijr ki baaten

dard ka marsiya tha kaghaz par

aankh se gir ke ban gae moti

karbala likh diya tha kaghaz par