jab bhi des ko wapas jaun aankh mein aansu aae

jab bhī des ko vāpas jā.ūñ aañkh meñ aañsū aa.e

zehn meñ maazī ko lauTā.ūñ aañkh meñ aañsū aa.e

apne shahr ke gūñge bahre logoñ ko maiñ apne

jab bhī dil kī baat sunā.ūñ aañkh meñ aañsū aa.e

qadam qadam par dhoke-bāz haiñ pyaar jatāte haiñ

un ke raaz samajh na pā.ūñ aañkh meñ aañsū aa.e

ye muskāneñ jhūTī ḳhushiyāñ kab tak bāñTūñ maiñ

kis ko dil ke zaḳhm dikhā.ūñ aañkh meñ aañsū aa.e

koī na mere aañsū poñchhe gale na koī lagā.e

kis se ab maiñ aas lagā.ūñ aañkh meñ aañsū aa.e

dard meñ Duubā kaise likkhūñ duniyā kā afsāna

'amjad' jab bhī qalam uThā.ūñ aañkh meñ aañsū aa.e

jab bhi des ko wapas jaun aankh mein aansu aae

zehn mein mazi ko lauTaun aankh mein aansu aae

apne shahr ke gunge bahre logon ko main apne

jab bhi dil ki baat sunaun aankh mein aansu aae

qadam qadam par dhoke-baz hain pyar jatate hain

un ke raaz samajh na paun aankh mein aansu aae

ye muskanen jhuTi KHushiyan kab tak banTun main

kis ko dil ke zaKHm dikhaun aankh mein aansu aae

koi na mere aansu ponchhe gale na koi lagae

kis se ab main aas lagaun aankh mein aansu aae

dard mein Duba kaise likkhun duniya ka afsana

'amjad' jab bhi qalam uThaun aankh mein aansu aae