jab bhi kashti ke muqabil bhanwar aata hai koi
jab bhī kashtī ke muqābil bhañvar aatā hai koī
jagmagātā sar-e-sāhil nazar aatā hai koī
be-ruḳhī us kī dilātī hai jahāñ kā ehsās
liye duniyā kī ḳhabar be-ḳhabar aatā hai koī
shiddat-e-yās meñ chupke se ujāloñ kī tarah
mere tārīk ḳhayāloñ meñ dar aatā hai koī
tan-e-tanhā to safar dil pe girāñ guzregā
muntazir huuñ ki mire saath agar aatā hai koī
Duub jaatā hai judā.ī kī shafaq meñ din ko
ufuq-e-ḳhvāb se shab ko ubhar aatā hai koī
ashk piitā huuñ maiñ tiryāq samajh kar jis vaqt
zahr ban kar rag-e-jāñ meñ utar aatā hai koī
hijr sāmāñ hai ravāñ sū-e-shab-e-vasl 'shahāb'
dhuup oḌhe hue zer-e-shajar aatā hai koī
jab bhi kashti ke muqabil bhanwar aata hai koi
jagmagata sar-e-sahil nazar aata hai koi
be-ruKHi us ki dilati hai jahan ka ehsas
liye duniya ki KHabar be-KHabar aata hai koi
shiddat-e-yas mein chupke se ujalon ki tarah
mere tarik KHayalon mein dar aata hai koi
tan-e-tanha to safar dil pe giran guzrega
muntazir hun ki mere sath agar aata hai koi
Dub jata hai judai ki shafaq mein din ko
ufuq-e-KHwab se shab ko ubhar aata hai koi
ashk pita hun main tiryaq samajh kar jis waqt
zahr ban kar rag-e-jaan mein utar aata hai koi
hijr saman hai rawan su-e-shab-e-wasl 'shahab'
dhup oDhe hue zer-e-shajar aata hai koi
- Book : Quarterly TASTEER Lahore (Pg. 166)
- Author : Naseer Ahmed Nasir
- Publication : Room No.-1,1st Floor, Awan Plaza, Shadman Market, Lahore (Issue No. 5,6 April To Sep. 1998)
- Edition : Issue No. 5,6 April To Sep. 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.