jab bhi mere aansu bahte hain aur tera daman jalta hai
jab bhi mere aansu bahte hain aur tera daman jalta hai
Shahjahan Bano Yaad
MORE BYShahjahan Bano Yaad
jab bhī mire aañsū bahte haiñ aur terā dāman jaltā hai
dekh ke apnā husn-e-ta.alluq har ahl-e-gulshan jaltā hai
raaz na pūchho mustaqbil kā sher-o-suḳhan kī is mahfil kā
sāhab-e-fan zulmat meñ paḌe haiñ duur charāġh-e-fan jaltā hai
fasl-e-bahārāñ aa jaane se kam na huā ġham ahl-e-chaman kā
shabnam ke aañsū bahte haiñ gul kā pairāhan jaltā hai
jalne ko to sab jalte haiñ aag judā hai apnī apnī
ham jalte haiñ tum jalte ho ik ik ahl-e-chaman jaltā hai
koī nahīñ ġham-ḳhvār jahāñ meñ 'yād' hamārī tanhā.ī kā
apne hī aañsū bahte haiñ apnā hī dāman jaltā hai
jab bhi mere aansu bahte hain aur tera daman jalta hai
dekh ke apna husn-e-talluq har ahl-e-gulshan jalta hai
raaz na puchho mustaqbil ka sher-o-suKHan ki is mahfil ka
sahab-e-fan zulmat mein paDe hain dur charagh-e-fan jalta hai
fasl-e-bahaaran aa jaane se kam na hua gham ahl-e-chaman ka
shabnam ke aansu bahte hain gul ka pairahan jalta hai
jalne ko to sab jalte hain aag juda hai apni apni
hum jalte hain tum jalte ho ek ek ahl-e-chaman jalta hai
koi nahin gham-KHwar jahan mein 'yaad' hamari tanhai ka
apne hi aansu bahte hain apna hi daman jalta hai
Source:
Naqeeb-e-Sahar (Pg. e-77 p-76)
-
- Publisher: Kul Hind Hindi Urdu Sangam Lucknow
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
