jab bhi nigah-e-saqi dil ko TaTolti hai
jab bhī nigāh-e-sāqī dil ko TaToltī hai
armāñ bhī Dolte haiñ niyyat bhī Doltī hai
vo aa.ine meñ aise mahsūs ho rahe haiñ
añgḌā.ī le ke jaise tasvīr boltī hai
kis vaqt se ḳhushī ko āvāz de rahā huuñ
dekheñ vo nāznīñ kab darvāza kholtī hai
jaane ye kyā huā hai doshīza-e-ḳhirad ko
ghabrā ke dekhtī hai sharmā ke boltī hai
ik vaqt thā 'adam' jab vo ḳhuud na bolte the
ik vaqt ye hai un kī tasvīr boltī hai
jab bhi nigah-e-saqi dil ko TaTolti hai
arman bhi Dolte hain niyyat bhi Dolti hai
wo aaine mein aise mahsus ho rahe hain
angDai le ke jaise taswir bolti hai
kis waqt se KHushi ko aawaz de raha hun
dekhen wo naznin kab darwaza kholti hai
jaane ye kya hua hai doshiza-e-KHirad ko
ghabra ke dekhti hai sharma ke bolti hai
ek waqt tha 'adam' jab wo KHud na bolte the
ek waqt ye hai un ki taswir bolti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
