jab bhi ye baat chali hai ki KHuda hai koi

jab bhī ye baat chalī hai ki ḳhudā hai koī

merī tasvīr mujhe sauñp gayā hai koī

soch phir soch ye me.ār-e-vafā hai koī

kaam aa jaa.e to samjheñ ki ḳhudā hai koī

merī qismat mire māthe hī pe likh dī hotī

khul to jaatā ki gunahgār-e-vafā hai koī

aaj se ishq kī tārīḳh badal jā.egī

aa.ina laao mujhe dekh rahā hai koī

log betāb haiñ tā.īd-e-sadāqat ke liye

ek āvāz to aa.e ki ḳhudā hai koī

fāsloñ meñ kisī tafrīq kā ehsās na thā

ek hote hī ye samjhe ki judā hai koī

aur kuchh tazkira-e-soz-e-tamannā 'anjum'

sab ko ma.alūm to ho tujh se milā hai koī

jab bhi ye baat chali hai ki KHuda hai koi

meri taswir mujhe saunp gaya hai koi

soch phir soch ye mear-e-wafa hai koi

kaam aa jae to samjhen ki KHuda hai koi

meri qismat mere mathe hi pe likh di hoti

khul to jata ki gunahgar-e-wafa hai koi

aaj se ishq ki tariKH badal jaegi

aaina lao mujhe dekh raha hai koi

log betab hain taid-e-sadaqat ke liye

ek aawaz to aae ki KHuda hai koi

faslon mein kisi tafriq ka ehsas na tha

ek hote hi ye samjhe ki juda hai koi

aur kuchh tazkira-e-soz-e-tamanna 'anjum'

sab ko malum to ho tujh se mila hai koi