jab chaaron-or andhera tha sach kam tha jhuT ghanera tha

jab chāroñ-or añdherā thā sach kam thā jhuuT ghanerā thā

dariyā se baḌe ik shaḳhs kā ik dariyā ke kināre Derā thā

vo thā kuchh us ke bachche the kuchh saath the aur kuchh ghar vaale

ā.īne se kore dil vaale kohsār se ūñche sar vaale

ye log vafā ke haamī the nā-mūs-o-hayā ke haamī the

bas ek rasūl ke qaa.il bas ek ḳhudā ke haamī the

is dā.ī-e-amn-o-mohabbat ke raste meñ dushman kī faujeñ

yuuñ barsoñ phail ga.iiñ jaise chaḌhte dariyā kī maujeñ

bātil ke haath pe ye zulm haq vāloñ se bai.at lete the

mehmān banā kar laa.e the paanī bhī na piine dete the

insāf kī pyaar kī āshtī kī sab bāteñ jab be-kār ga.iiñ

vo mard-e-mujāhid haq ke liye kaT marne ko tayyār huā

afrād pe bhī aqvām pe bhī ye mushkil aatī rahtī hai

har daur meñ haq-o-bātil kī quvvat Takrātī rahtī hai

phir jañg huī vo jañg jise tā-hashr na bhūlegā koī

vo zulm hue jin par ab tak har shahr meñ mātam hote haiñ

us zulm kā qissa lambā hai us jañg kī pustak bhārī hai

vo jañg jo kab kī ḳhatm huī vo jañg abhī tak jaarī hai

jab chaaron-or andhera tha sach kam tha jhuT ghanera tha

dariya se baDe ek shaKHs ka ek dariya ke kinare Dera tha

wo tha kuchh us ke bachche the kuchh sath the aur kuchh ghar wale

aaine se kore dil wale kohsar se unche sar wale

ye log wafa ke hami the na-mus-o-haya ke hami the

bas ek rasul ke qail bas ek KHuda ke hami the

is dai-e-amn-o-mohabbat ke raste mein dushman ki faujen

yun barson phail gain jaise chaDhte dariya ki maujen

baatil ke hath pe ye zulm haq walon se baiat lete the

mehman bana kar lae the pani bhi na pine dete the

insaf ki pyar ki aashti ki sab baaten jab be-kar gain

wo mard-e-mujahid haq ke liye kaT marne ko tayyar hua

afrad pe bhi aqwam pe bhi ye mushkil aati rahti hai

har daur mein haq-o-baatil ki quwwat Takraati rahti hai

phir jang hui wo jang jise ta-hashr na bhulega koi

wo zulm hue jin par ab tak har shahr mein matam hote hain

us zulm ka qissa lamba hai us jang ki pustak bhaari hai

wo jang jo kab ki KHatm hui wo jang abhi tak jari hai