aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jab dast-basta ki nahin uqda-kusha namaz

Imdad Ali Bahr

jab dast-basta ki nahin uqda-kusha namaz

Imdad Ali Bahr

MORE BYImdad Ali Bahr

    jab dast-basta nahīñ uqda-kushā namāz

    kāTegī merī paañv zanjīr kyā namāz

    bandoñ to ye haal hai letī nahīñ salām

    kyuuñ kar kahūñ qubūl karegā ḳhudā namāz

    bū-e-riyā har ek gul-e-boriyā meñ hai

    duniyā ghar farsh hai zāhid jā-namāz

    roza hamārī fāqa-kashī namūna hai

    apnī farotanī ik partavā namāz

    fariyād kar rahā huuñ do-vaqtī azaañ nahīñ

    taklīf mujh ko detī haiñ sub.h-o-masā namāz

    mīnā-e-mai imaam ho māmūm riñd hoñ

    hasrat hai pāñch vaqt ho yuuñ adā namāz

    saare nuqūsh sañgī-e-gul-hā-e-bāġh-e-ḳhuld

    jis boriye pe maiñ ne paḌhī be-riyā namāz

    mastī meñ laġhzish apnī rukū-o-sujūd hai

    nikle jo mai-kade se to hogī qazā namāz

    jaate haiñ girte paḌte hue rāh-e-shauq meñ

    kyā jāneñ ham tarīq hai kyā aur kyā namāz

    lā-taqrabussalāt isī amr par hai nahīñ

    kar mai-e-ġhurūr na paḌh vā.izā namāz

    allāh de jo niyyat-e-ḳhālis huzūr-e-qalb

    phir arsh sajda-gāh hai kursī hai jā-namāz

    har dam jihād-e-nafs meñ takbīr hai buland

    sar par hai teġh-e-jabr magar hai bapā namāz

    dāmān-e-tar lo ḳhabar ai zāhidān-e-ḳhushk

    is jāma-e-najis se nahīñ hai ravā namāz

    hai iztirāb faaqe meñ uTh baiTh bahr-e-qūt

    zāhid kujā o roza kujā o kujā namāz

    tīr-o-kamāñ haiñ us ke qiyām-o-rukūa 'bahr'

    ik din uḌā.egī hadaf-e-mudda.ā namāz

    jab dast-basta ki nahin uqda-kusha namaz

    kaTegi meri panw ki zanjir kya namaz

    bandon ka to ye haal hai leti nahin salam

    kyun kar kahun qubul karega KHuda namaz

    bu-e-riya har ek gul-e-boriya mein hai

    duniya ki ghar ka farsh hai zahid ki ja-namaz

    roza hamari faqa-kashi ka namuna hai

    apni farotani ka hi ek partawa namaz

    fariyaad kar raha hun do-waqti azan nahin

    taklif mujh ko deti hain subh-o-masa namaz

    mina-e-mai imam ho mamum rind hon

    hasrat hai panch waqt ki ho yun ada namaz

    sare nuqush sangi-e-gul-ha-e-bagh-e-KHuld

    jis boriye pe main ne paDhi be-riya namaz

    masti mein laghzish apni ruku-o-sujud hai

    nikle jo mai-kade se to hogi qaza namaz

    jate hain girte paDte hue rah-e-shauq mein

    kya jaanen hum tariq hai kya aur kya namaz

    la-taqrabussalat isi amr par hai nahin

    pi kar mai-e-ghurur na paDh waiza namaz

    allah de jo niyyat-e-KHalis huzur-e-qalb

    phir arsh sajda-gah hai kursi hai ja-namaz

    har dam jihad-e-nafs mein takbir hai buland

    sar par hai tegh-e-jabr magar hai bapa namaz

    daman-e-tar ki lo KHabar ai zahidan-e-KHushk

    is jama-e-najis se nahin hai rawa namaz

    hai iztirab faqe mein uTh baiTh bahr-e-qut

    zahid kuja o roza kuja o kuja namaz

    tir-o-kaman hain us ke qiyam-o-rukua 'bahr'

    ek din uDaegi hadaf-e-muddaa namaz

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now