jab hamara ishq ek gul par ayan hone laga

jab hamārā ishq ik gul par ayaañ hone lagā

to jigar gulshan meñ ḳhāroñ kā dhuāñ hone lagā

jab se merī jaañ maiñ terā rāzdāñ hone lagā

dushman-e-jāñ merā merī jaañ jahāñ hone lagā

sehn-e-dil meñ āmad-e-jān-e-tamanna ho ga.ī

sehn-e-dil dekho mirā bāġh-e-jināñ hone lagā

hazrat-e-ādam kī jab aulād haiñ ham sab to phir

kyoñ fulāñ ibn-e-fulāñ ibn-e-fulāñ hone lagā

dāstān-e-ġham batā jān-e-vafā kis se kaheñ

dard-e-dil dard-e-jigar ab dard-e-jāñ hone lagā

naam pe ab ishq ke miTtī hai jismoñ kī havas

ḳhatm sachche ishq kā nām-o-nishāñ hone lagā

tū difā karnā dil-e-nāzuk kī mere kibriyā

jānib-e-rāh-e-muhabbat dil ravāñ hone lagā

hasrat-e-dīdār-e-jān-e-jāñ kī ḳhātir dekhiye

qalb merā dostoñ qalb-e-tapāñ hone lagā

ḳhatm saare dekhiye āsār-e-mahshar ho ga.e

āftāb-e-hashr nazroñ se nihāñ hone lagā

mubtalā hai soch meñ ye dekh ke duniyā 'shajar'

kyoñ musallā chādar-e-āb-e-ravāñ hone lagā

jab hamara ishq ek gul par ayan hone laga

to jigar gulshan mein KHaron ka dhuan hone laga

jab se meri jaan main tera raazdan hone laga

dushman-e-jaan mera meri jaan jahan hone laga

sehn-e-dil mein aamad-e-jaan-e-tamanna ho gai

sehn-e-dil dekho mera bagh-e-jinan hone laga

hazrat-e-adam ki jab aulad hain hum sab to phir

kyon fulan ibn-e-fulan ibn-e-fulan hone laga

dastan-e-gham bata jaan-e-wafa kis se kahen

dard-e-dil dard-e-jigar ab dard-e-jaan hone laga

nam pe ab ishq ke miTti hai jismon ki hawas

KHatm sachche ishq ka nam-o-nishan hone laga

tu difa karna dil-e-nazuk ki mere kibriya

jaanib-e-rah-e-muhabbat dil rawan hone laga

hasrat-e-didar-e-jaan-e-jaan ki KHatir dekhiye

qalb mera doston qalb-e-tapan hone laga

KHatm sare dekhiye aasar-e-mahshar ho gae

aaftab-e-hashr nazron se nihan hone laga

mubtala hai soch mein ye dekh ke duniya 'shajar'

kyon musalla chadar-e-ab-e-rawan hone laga