jab jhuT mujhse barsar-e-paikar ho gaya

jab jhuuT mujh se barsar-e-paikār ho gayā

lahja jo merā phuul thā talvār ho gayā

haq baat bolne kī qasam jab se khaa.ī hai

jiinā hamārā shahr meñ dushvār ho gayā

dhoka fareb jhūTe dilāse tasalliyāñ

phir aaj us ke naam ye aḳhbār ho gayā

kirdār apne ghar meñ hī mashkūk jis kā thā

vo shaḳhs hī qabīle kā sardār ho gayā

vo kah rahā thā terī vafā āzmā.ūñgā

maiñ us ke aage āhanī dīvār ho gayā

bai'at kī baat ho ga.ī rusvā jahān meñ

mash.hūr kā.enāt meñ inkār ho gayā

'hānī' ne baat apne buzurgoñ kī maan lī

vo bā-shu.ūr sāhib-e-kirdār ho gayā

jab jhuT mujh se barsar-e-paikar ho gaya

lahja jo mera phul tha talwar ho gaya

haq baat bolne ki qasam jab se khai hai

jina hamara shahr mein dushwar ho gaya

dhoka fareb jhuTe dilase tasalliyan

phir aaj us ke nam ye aKHbar ho gaya

kirdar apne ghar mein hi mashkuk jis ka tha

wo shaKHs hi qabile ka sardar ho gaya

wo kah raha tha teri wafa aazmaunga

main us ke aage aahani diwar ho gaya

bai'at ki baat ho gai ruswa jahan mein

mashhur kaenat mein inkar ho gaya

'hani' ne baat apne buzurgon ki man li

wo ba-shuur sahib-e-kirdar ho gaya