jab juda hum tum hue the mausam-e-dil zard tha

jab judā ham tum hue the mausam-e-dil zard thā

āñkhoñ meñ thī ġham kī rim-jhim jaañ kā sūraj sard thā

kuchh baras pahle talak yaañ har koī hamdard thā

ek duuje ke liye sab ke diloñ meñ dard thā

jab bisāt-e-zindagī par vaqt ne baazī chalī

maat us ne dī mujhe jo mere ghar kā fard thā

shahr-e-jāñ ke bām-o-dar ik shaḳhs ulaT kar chal diyā

ho na ho vo dushman-e-jāñ koī dahshat-gard thā

ḳhāk-o-ḳhūñ meñ Duub kar apnā vatan hāsil huā

ābla-pā the magar pur-azm har ik fard thā

chaah baiThā thā jise maiñ jaan kar ik aa.ina

haa.e sad-afsos ki vo aa.ine kī gard thā

'aks harjā.ī miTā ā.īna-e-dil se 'sahāb'

ve sitamgar be-muravvat bevafā be-dard thā

jab juda hum tum hue the mausam-e-dil zard tha

aankhon mein thi gham ki rim-jhim jaan ka suraj sard tha

kuchh baras pahle talak yan har koi hamdard tha

ek duje ke liye sab ke dilon mein dard tha

jab bisat-e-zindagi par waqt ne bazi chali

mat us ne di mujhe jo mere ghar ka fard tha

shahr-e-jaan ke baam-o-dar ek shaKHs ulaT kar chal diya

ho na ho wo dushman-e-jaan koi dahshat-gard tha

KHak-o-KHun mein Dub kar apna watan hasil hua

aabla-pa the magar pur-azm har ek fard tha

chah baiTha tha jise main jaan kar ek aaina

hae sad-afsos ki wo aaine ki gard tha

'aks harjai miTa aaina-e-dil se 'sahab'

we sitamgar be-murawwat bewafa be-dard tha