jab kabhi dariya mein hote saya-afgan aap hain

Bahadur Shah Zafar

jab kabhi dariya mein hote saya-afgan aap hain

Bahadur Shah Zafar

MORE BYBahadur Shah Zafar

    jab kabhī dariyā meñ hote saya-afgan aap haiñ

    fils-e-māhī ko batāte māh-e-raushan aap haiñ

    siite haiñ sozan se chāk-e-sīna kyā ai chārasāz

    ḳhār-e-ġham siine meñ apne misl-e-sozan aap haiñ

    pyaar se kar ke hamā.il ġhair gardan meñ haath

    mārte teġh-e-sitam se mujh ko gardan aap haiñ

    khīñch kar āñkhoñ meñ apnī surma-e-dumbāla-dār

    karte paidā sehr se nargis meñ sosan aap haiñ

    dekh kar sahrā meñ mujh ko pahle ghabrāyā thā qais

    phir jo pahchānā to bolā hazrat-e-man aap haiñ

    dhaḌaktā hai kahīñ tār-e-rag-e-gul chubh na jaa.e

    sej par phūloñ karte qasd-e-ḳhuftan aap haiñ

    kyā mazā hai teġh-e-qātil meñ ki aksar said-e-ishq

    aan kar us par ragaḌte apnī gardan aap haiñ

    mujh se tum kyā pūchhte ho kaise haiñ ham kyā kaheñ

    jaane hai ki jaise mushfiq-e-man aap haiñ

    pur-ġhurūr o pur-takabbur pur-jafā o pur-sitam

    pur-fareb o pur-daġhā pur-makr o pur-fan aap haiñ

    zulm-pesha zulm-sheva zulm-rān o zulm-dost

    dushman-e-dil dushman-e-jāñ dushman-e-tan aap haiñ

    yakka-tāz o neza-bāz o arbada-jū tund-ḳhū

    teġh-zan dashna-guzār o nāvak-afgan aap haiñ

    tasma-kash tarāz o ġhārat-gar tārāj-sāz

    kāfir yaġhmā.ī o qazzāq rahzan aap haiñ

    fitna-jū bedād-gar saffāk o azlam kīna-var

    garm-jañg o garm-qatl o garm-kushtan aap haiñ

    bad-mizāj o bad-dimāġh va bad-shi.ār o bad-sulūk

    bad-tarīq o bad-zabāñ bad-ahd o bad-zan aap haiñ

    be-muravvat bevafā nā-mehrbāñ nā-āshnā

    mere qātil mere hāsid mere dushman aap haiñ

    ai 'zafar' kyā pā-e-qātil ke hai bose havas

    yuuñ jo bismil ho ke sargarm-e-tapīdan aap haiñ

    jab kabhi dariya mein hote saya-afgan aap hain

    fils-e-mahi ko batate mah-e-raushan aap hain

    site hain sozan se chaak-e-sina kya ai chaarasaz

    KHar-e-gham sine mein apne misl-e-sozan aap hain

    pyar se kar ke hamail ghair ki gardan mein hath

    marte tegh-e-sitam se mujh ko gardan aap hain

    khinch kar aankhon mein apni surma-e-dumbaala-dar

    karte paida sehr se nargis mein sosan aap hain

    dekh kar sahra mein mujh ko pahle ghabraya tha qais

    phir jo pahchana to bola hazrat-e-man aap hain

    ji dhaDakta hai kahin tar-e-rag-e-gul chubh na jae

    sej par phulon ki karte qasd-e-KHuftan aap hain

    kya maza hai tegh-e-qatil mein ki aksar said-e-ishq

    aan kar us par ragaDte apni gardan aap hain

    mujh se tum kya puchhte ho kaise hain hum kya kahen

    ji hi jaane hai ki jaise mushfiq-e-man aap hain

    pur-ghurur o pur-takabbur pur-jafa o pur-sitam

    pur-fareb o pur-dagha pur-makr o pur-fan aap hain

    zulm-pesha zulm-shewa zulm-ran o zulm-dost

    dushman-e-dil dushman-e-jaan dushman-e-tan aap hain

    yakka-taz o neza-baz o arbada-ju tund-KHu

    tegh-zan dashna-guzar o nawak-afgan aap hain

    tasma-kash taraaz o ghaarat-gar taraj-saz

    kafir yaghmai o qazzaq rahzan aap hain

    fitna-ju bedad-gar saffak o azlam kina-war

    garm-jang o garm-qatl o garm-kushtan aap hain

    bad-mizaj o bad-dimagh wa bad-shiar o bad-suluk

    bad-tariq o bad-zaban bad-ahd o bad-zan aap hain

    be-murawwat bewafa na-mehrban na-ashna

    mere qatil mere hasid mere dushman aap hain

    ai 'zafar' kya pa-e-qatil ke hai bose ki hawas

    yun jo bismil ho ke sargarm-e-tapidan aap hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY