jab kabhi shaghl se Khaali ye bashar hota hai

jab kabhī shaġhl se ḳhālī ye bashar hotā hai

to dimāġh us kā shayātīn kā ghar hotā hai

qalb meñ jis ke ho īmān-o-amal kī tāqat

vo kisī se bhī nahīñ Dartā niDar hotā hai

be-amal kī to duā.eñ bhī palaT aatī haiñ

bā-amal kī hī duāoñ meñ asar hotā hai

har zamāne meñ hasad karte haiñ us se kuchh log

jo bhī ārāsta-e-ilm-o-hunar hotā hai

vaqt pāband-e-hazar to kabhī hotā hī nahīñ

vo to har aan hī sargarm-e-safar hotā hai

qadr-o-qīmat nahīñ ab zāt-o-sharāfat kī yahāñ

us kī azmat hai ki jo sāhab-e-zar hotā hai

jo atā kartā hai duniyā ko koī fan-pāra

baa'd marne ke bhī naam us kā amar hotā hai

ham-ḳhayāl apne jo mil jaate haiñ kuchh log 'azīz'

vaqt phir apnā bahut ḳhuub basar hotā hai

jab kabhi shaghl se KHali ye bashar hota hai

to dimagh us ka shayatin ka ghar hota hai

qalb mein jis ke ho iman-o-amal ki taqat

wo kisi se bhi nahin Darta niDar hota hai

be-amal ki to duaen bhi palaT aati hain

ba-amal ki hi duaon mein asar hota hai

har zamane mein hasad karte hain us se kuchh log

jo bhi aarasta-e-ilm-o-hunar hota hai

waqt paband-e-hazar to kabhi hota hi nahin

wo to har aan hi sargarm-e-safar hota hai

qadr-o-qimat nahin ab zat-o-sharafat ki yahan

us ki azmat hai ki jo sahab-e-zar hota hai

jo ata karta hai duniya ko koi fan-para

ba'd marne ke bhi nam us ka amar hota hai

ham-KHayal apne jo mil jate hain kuchh log 'aziz'

waqt phir apna bahut KHub basar hota hai