jab-ki furqat mein maut aati hai

jab-ki furqat meñ maut aatī hai

hasrat-e-vasl saath jaatī hai

kyoñ sabā qabr-e-be-kasāñ pa kabhī

nahīñ do phuul bhī chaḌhātī hai

bhuul jaatī hai qabr kī zulmat

yaad zulf-e-siyah jo aatī hai

jo tirā ġham hamesha khātā thā

ab use ḳhāk-e-gor khātī hai

kaun is ḳhaak par ḳhirāmāñ hai

ruuh phūle nahīñ samātī hai

yahāñ naqsha bigaḌ gayā apnā

vo parī aap ko banātī hai

na charāġhāñ ho qabr par to kyā

be-kasī to jigar jalātī hai

jā ke kar do qadam to istiqbāl

tere kushta kī laash aatī hai

na pidar ko ḳhabar na mādar ko

be-kasī kyā maze dikhātī hai

jab-ki furqat mein maut aati hai

hasrat-e-wasl sath jati hai

kyon saba qabr-e-be-kasan pa kabhi

nahin do phul bhi chaDhati hai

bhul jati hai qabr ki zulmat

yaad zulf-e-siyah jo aati hai

jo tera gham hamesha khata tha

ab use KHak-e-gor khati hai

kaun is KHak par KHiraman hai

ruh phule nahin samati hai

yahan naqsha bigaD gaya apna

wo pari aap ko banati hai

na charaghan ho qabr par to kya

be-kasi to jigar jalati hai

ja ke kar do qadam to istiqbaal

tere kushta ki lash aati hai

na pidar ko KHabar na madar ko

be-kasi kya maze dikhati hai