jab koi aaina bhi na tha mere samne
jab koī aa.ina bhī na thā mere sāmne
ik maiñ thā ek merā ḳhudā mere sāmne
terā vujūd aur pas-e-parda-e-nigāh
merā hai tū agar to phir aa mere sāmne
dekho to regzār-e-tamanna kī vus'ateñ
bikhrī huī hai merī sadā mere sāmne
ik 'aks thā ki dil kī tahoñ meñ utar gayā
ik rang thā ki phail gayā mere sāmne
raushan huuñ kis abad ke ufuq par maiñ 'āftāb'
larzāñ hai dast-e-bād-e-fanā mere sāmne
jab koi aaina bhi na tha mere samne
ek main tha ek mera KHuda mere samne
tera wujud aur pas-e-parda-e-nigah
mera hai tu agar to phir aa mere samne
dekho to regzar-e-tamanna ki wus'aten
bikhri hui hai meri sada mere samne
ek 'aks tha ki dil ki tahon mein utar gaya
ek rang tha ki phail gaya mere samne
raushan hun kis abad ke ufuq par main 'aftab'
larzan hai dast-e-baad-e-fana mere samne
- Book : Mohabbat Jab Nahin Hogi (Pg. 37)
- Author : Aftab Husain
- Publication : Rekhta Publications (2022)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
