jab koi aalam-e-shuhud na tha

jab koī ālam-e-shuhūd na thā

maiñ bhī ik ḳhvāb thā vajūd na thā

apnī taḳhlīq se huā mahdūd

varna maiñ jāntā hudūd na thā

mujh meñ bhī lau thī aag thī pahle

merā sarmāya sirf duud na thā

jaane us ne mujhe ḳharīdā kyuuñ

maiñ ziyāñ hī ziyāñ thā suud na thā

tarz-e-iz.hār ne kiyā maḳhsūs

ḳhaas ash.ār kā varūd na thā

ik asīrī yahāñ thī shart-e-shanāḳht

aur maiñ banda-e-quyūd na thā

tujh se rañgīnī-e-jahāñ hai 'suhail'

pahle ye rañg-e-hast-o-būd na thā

jab koi aalam-e-shuhud na tha

main bhi ek KHwab tha wajud na tha

apni taKHliq se hua mahdud

warna main jaanta hudud na tha

mujh mein bhi lau thi aag thi pahle

mera sarmaya sirf dud na tha

jaane us ne mujhe KHarida kyun

main ziyan hi ziyan tha sud na tha

tarz-e-izhaar ne kiya maKHsus

KHas ashaar ka warud na tha

ek asiri yahan thi shart-e-shanaKHt

aur main banda-e-quyud na tha

tujh se rangini-e-jahan hai 'suhail'

pahle ye rang-e-hast-o-bud na tha