jab koi sach baat chhupani paDti hai

jab koī sach baat chhupānī paḌtī hai

tab jhūTī ik baat banānī paḌtī hai

andar andar kitne hī ham zaḳhmī hoñ

chehre par muskān sajānī paḌtī hai

e'timād bhī had se ziyāda Thiik nahīñ

kabhī kabhī to muñh kī ḳhānī paḌtī hai

armānoñ kī laash uThā kar kāñdhoñ par

kisī kisī ko umr bitānī paḌtī hai

kabhī kabhī kuchh yaad bhī rakhnā paḌtā hai

kabhī kabhī har baat bhulānī paḌtī hai

ham se hī dahshat-gardī hai aur hameñ

sab se ziyāda jaan gañvānī paḌtī hai

thapkī de kar ham ko to 'mashkūr' yahāñ

terī tamannā roz sulānī paḌtī hai

jab koi sach baat chhupani paDti hai

tab jhuTi ek baat banani paDti hai

andar andar kitne hi hum zaKHmi hon

chehre par muskan sajaani paDti hai

e'timad bhi had se ziyaada Thik nahin

kabhi kabhi to munh ki KHani paDti hai

armanon ki lash uTha kar kandhon par

kisi kisi ko umr bitani paDti hai

kabhi kabhi kuchh yaad bhi rakhna paDta hai

kabhi kabhi har baat bhulani paDti hai

hum se hi dahshat-gardi hai aur hamein

sab se ziyaada jaan ganwani paDti hai

thapki de kar hum ko to 'mashkur' yahan

teri tamanna roz sulani paDti hai