jab koi zaKHm ubharta hai kinaron jaisa
jab koī zaḳhm ubhartā hai kināroñ jaisā
dil taḌaptā hai mirā mauj ke dhāroñ jaisā
jab koī aks chamaktā hai sitāroñ jaisā
merā qad bhī nazar aatā hai mināroñ jaisā
tere hī dar pe mujhe aa ke sukūñ miltā hai
ik sahārā bhī nahīñ tere sahāroñ jaisā
aaj bhī sab ke diloñ pe hai hukūmat jis kī
vo chaTā.ī pe bhī lagtā hai dulāroñ jaisā
mere hī dam se mahaktā hai gulistāñ phir bhī
sab kī āñkhoñ meñ khaTaktā huuñ maiñ ḳhāroñ jaisā
ab to sūkhe hue patte hī nazar aate haiñ
mere āñgan meñ bahut kuchh thā bahāroñ jaisā
aa.ina kaun dikhā.egā mujhe ai 'dildār'
mere dushman kā bhī bartāv hai yāroñ jaisā
jab koi zaKHm ubharta hai kinaron jaisa
dil taDapta hai mera mauj ke dhaaron jaisa
jab koi aks chamakta hai sitaron jaisa
mera qad bhi nazar aata hai minaron jaisa
tere hi dar pe mujhe aa ke sukun milta hai
ek sahaara bhi nahin tere sahaaron jaisa
aaj bhi sab ke dilon pe hai hukumat jis ki
wo chaTai pe bhi lagta hai dularon jaisa
mere hi dam se mahakta hai gulistan phir bhi
sab ki aankhon mein khaTakta hun main KHaron jaisa
ab to sukhe hue patte hi nazar aate hain
mere aangan mein bahut kuchh tha bahaaron jaisa
aaina kaun dikhaega mujhe ai 'dildar'
mere dushman ka bhi bartaw hai yaron jaisa
Source:
Rooh-e-Ghazal,Pachas Sala Intekhab (Pg. 627)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
